Serbski Sunbird sćahnyć a instalować

  1. Archiwowe wersije instalować
  2. Zo byšće Sunbird zeserbšćił, maće dwě móžnosći: Móžeće archiwowu wersiju (format .zip za Windows abo .tar.bz2 za Linuks) instalować, kotruž trjebaće jenož sćahnyć a wubalić abo móžeće hižo eksistowacu wersiju w druhej rěči (na př. jendźelsku abo němsku) z pomocu rěčneho pakćika zeserbšćić.

    • Wubalenje archiwa zip za Windows

    Zip dataju za Windows móžeće z kóždymžkuli pakowanski program wubalić, na př. z WinZip, UltimateZip atd. Prosće w pakowanskim programje wočinić, cilowy zapis postajić a tam wubalić. Njelěpšina archiwoweje wersije pak je, zo dyrbiće sej zapis spomjatkować, hdźež sće dataje archiwa wubalił, dokelž dyrbiće programowy zwisk za jednory startowanje programa manuelnje wutworić. We wokomiku nimam móžnosć instalujomnu wersiju dodawać, hdźež njetrjebaće so wo programowy zwisk starać.

    • Wubalenje archiwa tar.bz2 za Linux

    Pod Linuxom wubaleće archiwowu dataju tar.bz2 z konsole abo terminalneho wokna. Podajće so do ciloweho zapisa z přikazom cd <mjeno ciloweho zapisa> a zapisajće přikaz: tar -xvjf sunbird-0.9.hsb.linux-i686.tar.bz2 do zapodatneje namołwy. Pod KDE móžeće tež grafiski komprimowanski program kaž ARK wužić.

    Kedźbu: Jeli archiw njeinstalujeće do zapisa "Home", ale do druheho zapisa, trjebaće prawa administratora! Móžeće za to z konsole abo terminala přikaz su zapodać. Dyrbiće potom swoje administratorowe hesło zapodać. Alternatiwnje móžeće so při startowanju Linuxa jako root přizjewić. Podajće so potom do zapisa, hdźež su nětko wubalene dataje a startujće program Sunbird přez klikńjenje na dataju "Sunbird" (bjez datajoweje kóncowki!).

  3. Z rěčnym pakćikom dźěłać
  4. Jeli chceće z rěčnym pakćikom dźěłać, dokelž sy hižo Sunbird w druhej rěči instalował abo druhe dźěłowy system hač Windows maće, móžeće Sunbird z pomocu rěcneho pakćika zeserbšćić. Nawod za instalowanje rěčneho pakćika namakaće na stronje Rěčny pakćik instalować.