Serbski rěčny pakćik instalować

  1. Mozilla Sunbird sćahnyć

    2. Jeli dotal njejsće program sćahnył, dyrbiće to najprjedy nachwatać. Instalacisku dataju namakaće na oficielnej sćahowanskej stronje.

  2. Serbski rěčny pakćik instalować

    3. Po tym dyrbiće rěčny pakćik sćahnyć, z kotrymž móžeće waš Sunbird zeserbšćić. Wubjerće cilowy zapis, do kotrehož chceće rěčny pakćik sćahnyć.

    Kedźbu: Wersijowej čisle instalaciskeje dataje a přisłušneho rěčneho pakćika dyrbitej jenak być.
    Tuchwilu je to wersijowe čisło 0.9, kotrež so w mjenje instalaciskeje dataje kaž tež rěčneho pakćika jewi.

    Startujće Sunbird (hišće originalnu jendźelsku wersiju abo němsku wersiju) a dźiće na "Tools/Extras" - "Add-ons". W dialogowym woknje, kotrež so nětko wočinja, wuběraće cilowy zapis, hdźež sće rěcny pakćik sćahnył, klikńće na tłóčatko "Install/Installieren" a w slědowacym woknje na "Install Now/Jetzt Installieren" a po wuspěšnej instalaciji sće zaso w dialogowym woknje "Add-ons". Tam je zapisk "Hornjoserbski rěčny pakćik 0.9" a pod tym sada "Restart to complete the installation." Startujće potajkim Sunbird znowa. Ale, njedźiwaj so, Sunbird hišće njebudźe hornjoserbsce być. W slědowacym wotrězku nazhoniće, kak so rěčny pakćik aktiwizuje.

  3. Serbski pakćik aktiwizować

    4. Nětko móžeće serbski Sunbird z přikazoweje linki (Start-->Ausführen...) abo ze zwiska na desktopje z opcijomaj -UILocale hsb startować, na př. C:\Programme\Sunbird\sunbird.exe -UILocale hsb. Město C:\Programme\Sunbird\ dyrbiće wězo šćežku wužiwać, kotraž k městnu wašeje Firefox-instalacije wjedźe.

    Po tym so Sunbird ze serbskim powjerchom startuje.